Home Movies በሙታን ስም ድራማ በዋሽንግተን ዲሲ

በሙታን ስም ድራማ በዋሽንግተን ዲሲ

በሊቢያ የተሰውትን ኢትዮጵያውያን ሰማእታትን ምክንያት በማድረግ ሰሞኑን ባደረግነው ክትትል ወያኔ London, UK ያደረገውን ድራማ በዋሽንግተን ዲሲ አካባቢ ሊደገም እየተዘጋጀ መሆኑን መረጃዎች ይጠቁማሉ። ህዝቡን ለማምታታት ሁለት ነገሮች ተከስተዋል።

image045አንደኛው መምህር ዘበነ በሚያስተዳድረው የደብረ ገነት መድኃኒዓለም የኢትዮጵያ ኦርቶዶክስ ተዋህዶ ቤተ ክርስቲያን ተዘጋጅቶ የቀረበው ከዚህ በታች የተገለጸው የጥሪ ማስታወቂያ ነው።

ሁለተኛ ደግሞ፦ የኢትዮጵያ ኦርቶዶክስ የተዋህዶ አብያተ ክርስቲያናት አንድነት ጉባኤ በሚል ስም በዋሸንግተን ዲሲና በአካባቢዋ የተነሰነሰው ከዚህ በታች የተቀመጠው ማስታወቂያ ነው።
እነዚህ በተለያዩ ቀናት የተበተኑትን ማስታወቂያዎች ማነው ያዘጋጃቸው? ዓላማቸውስ ምንድነው? ሁለቱም የሚያንጸባርቁት በሊቢያ እና በደቡብ አፍሪካ ለተገደሉት ወገኖች የ40 ቀን መታሰቢያ የሚል ነው። ከአገር ውስጥና ከዋሸንግተን ዲሲ አካባቢ ከሚደርሰን ትችቶችና ትዝብቶች ሁሉቱም ማስታወቂያዎች ከተለያዩ አካላት የፈለቁ ይመስላሉ። ነገር ግን ሁሉቱም የሚናገሩት ያለፈውን የ40 ቀን ጸሎት እያሉ ነው። ያለፈውን የ40 ቀን ለመጠቀም ለምን አስፈለጋቸው? እውነት ለተሰውት ወገኖች የ40 ቀን መታሰቢያ እንዲደርግላቸው አሳስቧቸው ነው? የ40 ቀን መታሰቢያ ማነው የሚያድርግላቸው? እነዘበነን የተለዩ የ40 ቀን ጸሎት አድራሾች ማን አደረጋቸው? ከእንቅስቃሴያቸው በስተጀርባ ማነው የሚገፋቸው? ተልእኮውስ ምንድነው? የነሱ ጸሎት በWashington Monument (ሞኑመንቱ) ላይ ከተደረገው ልዩነቱ ምንድነው? በሞንመንቱ በተከናወነው ታሪካዊ ዝግጅት ላይ ሳይገኙ፤ ዛሬ የ40 ቀን መታሰቢያ እያሉ ሽር ጉድ እንዲሉ ማነው አደራ ያላቸው? በዋሸንገት ቅድስት ማርያም በተደረገው ጥሪ ባካባቢው ያሉ ገዳመ ተክለ ሃይማኖት፤ በዋልባ ገዳም እና በአቡነ ጴጥሮስ የተመሰረቱት ድርጅቶችና አገር ወዳድ ኢትዮጵያውያን ወገኖች ህብረት የተደረገውን ዝግጅት የሚቃወሙና “ከኛ ፕሮጀክት ጋራ ይጋጭብናል፣ ከወያኔ ጋራ ያጋጨናል” በማለት በዝግጅቱ ያልነበሩ ናቸው? ወይስ በወቅቱ ባካባቢው ያልነበሩ አዲስ መርዶ ሰሚዎች በመሆን ልቅሶ ደራሾች ናቸው?

በሞንሞንቱ ላይ በተደረገው “የታረዱት ነፍሳት ጩኸት” በሚል መንፈሳዊ፣ ታሪካዊና ሰባዊ ወገናዊ ዝግጅት ላይ የሃይማኖት ክልል ሳይጋርድ ከተለያዩ የእምነት ድርጅቶች ድምጽ የተሰማበት ነበር። በዚያ ያልተገኘ የድርጅት ወኪል አልነበረም። እነሱ ነበሩ ወይስ አልነበሩም? ካልነበሩስ ያልነበሩበት ምክንያት ምን ነበር?

በወቅቱ በሰፊው ሲነገር እንደተሰማው “በሞሞንቱ በተደረገው ብንስታፍ ከወያኔ ጋራ ያጋጨናልና አቁሙ ካላቆማችሁ ሞንሞቱ በሚደረገው አንገኝም” ብለው የሸሹ ናቸው? ወይስ ሌሎች ናቸው?

ባደረግነው ክትትል መሠረት፤ በተለይም በመምህር ዘበነ ለማ ቤተክርስቲያን ዙሪያ ካሉት ሰዎች ሲነገር እደተሰማው በሞንሞንቱ የተደገረው ዝግጅት የወያኔን መንግስት ያስቀየመ ነው።

ሀውልት እናሰራለን የሚለው ወሬ የህዝብ ስሜት መቀስቀሻና ማደንዘዣ አድርጎ ለመጠቀም እንጂ የአቡነ ጴጥሮስን ሀውልት ያነሳ ወያኔ ሰማእታቱ ለምን ተሰደዱ የሚለውን ጥያቄ ስለሚያስከትልበት ያደርገውል ተብሎ አይገመትም። ለጊዜው ህዝቡን ለማደናበረ፤ ሀውልት የሚለውን ቃል ይጠቀምበታል። በደቡብ አፍራካውያንና በአይሲስ ለተገደሉት ወገኖቻችን አይሲስ ገደላቸው ብላችሁ አስታውሱ የሚለውን ወያኔ ባይፈቅድ ኖሮ እነ ዘበነ ጉዳዩን ለመንካት ይቸገሩ ነበር ተብሎ በሰፊው እየተነገረ ነው። ወያኔ ከማረጋገጡ በፊት ዘበነ የወገኖቻችን መታረድ ሲደርሰው የነበረው ስሜት ከወያኔ ስሜታ ጋራ በመጋጨቱ አሁን የ40 ቀን በሚለው መታሰቢያ ለማስታረቅ ያቀደው መስሎ ታይቷል። እሱም ሆነ ተባባሪዎቹ ይህን በማድረጋቸው ቢያንስ ከዚህ በታች የተዘረዘሩትን ትርፍ ያገኛሉ።

1ኛ፦ እርም የበሉ ተብለው ባካባቢው እንዳይወቀሱ
2ኛ፦ በሞንሞንቱ የተደረገውን በመሸፈን ከመንግሥት ውለታ ለመሸመት፦
3ኛ፦ የገንዘብ ትርፍራፊ ለመለቃቀም

እንዲህ የመሰለውን ማታለያ ማነው አቁሙ የሚላቸው? ህዝቡን እንዳማያይ፣ እንደማያስብ፣ እንደማይመለከት አርገው ማሰባቸውንስ እስከመቼ ይቀጥላሉ?

ይህ ድርጊት በለንደን የተደረገውን አይነት በዋሸንግተን ለመድገም የተቀነባበረ ሴራ አይመስልም? ወያኔ ለንደን ላይ በህግ ተሸንፎ ሲወድቅ ሁለት አድርባዮች ጳጳሳት ነን ባዮች አባ ገብርኤልንና አባ ቀውስጦስን ልኮ በአካባቢው ያሉትን የኦሬንታልና የምስራቅ አብያተ ክርስቲያናትን መሪዎች በማስተባበር በለንደን ከተማ ተባብሮ በቆመው ህዝብ ላይ ተጽእኖ አሳድሮ ለመከፋፈል ሞክሯል። በተመሳሳይ መልኩ በዲሲ ዙሪያ ያሉ አስመሳዮችም ለነዚህ ሰማእታት ያሰቡ በመምሰል በሞንመንቱ ላይ የተፈጸመውን ታሪካዊውን የነፍሳት ድምጽ ለማፈንና በህዝቡ የመንፈስ ተጽእኖ ለማሳደር በመሞከር ላይ እንዳሉ ያሳያል።

ከላይ ከተዘረዘሩት ምክንያቶች በቀር አሁን በዚህ ሳምንት በሰማእታቱ ስም የሚደረገው እንቅስቃሴ ተዝካርም ሆነ የ40 ቀን መታሰቢያ የሚሉት ሽፋን እንጅ መሠረት እንደሌለው ያነጋገርናቸው የቤተክርስቲያን አባቶችም ሆኑ ስለ 40ቀንና መታሰቢያ የሚያውቁ አዛውንቶች ይናገራሉ።

LEAVE A REPLY

Please enter your comment!
Please enter your name here