Home Movies “ሰዎች ምን ይላሉ” የተሰኘው ኮሜዲ ድራማ አዘጋጆች ለእስር እየተዳረጉ ነው፡፡

“ሰዎች ምን ይላሉ” የተሰኘው ኮሜዲ ድራማ አዘጋጆች ለእስር እየተዳረጉ ነው፡፡

ከአዘጋጆቹ አንዱ የሆነው አርቲስት ግርማዬ ታደሰ ከታሰረ 3 ሳምንት ያለፈው ሲሆን “ልማታዊ አርቲስቶችን ማዋረድ” የሚል ውንጀላ ቀርቦበታል፡፡

• አሳታሚው ከቀናት እስር በኋላ በዋስ ተለቋል
“ስራችን በቪሲዲ ከታተመ 1 አመት ከሰባት ወር ሆኖታል፡፡ ውንጀላውም እስሩም የመጣብን ድራማው በኢሳት ከተላለፈ በኋላ ነው፡፡”
አቤል አለማየሁ የ “ሰዎች ምን ይላሉ” ዳይሬክተርና ፕሮዲውሰር
===========================================
“ሰዎች ምን ይላሉ” በሚል ርዕስ የኮሜዲ ስራዎችን በማዘጋጀት 3 ተከታታይ ቪሲዲዎችን ለህዝብ ያቀረቡት አርቲስቶች በሶስተኛው ቪስዲ ከተካተቱት ድራማዎች መሀከል አንደኛው በኢሳት ቴሌቪዥን መተላለፉን ተከትሎ እስርና ወከባ እየደረሰብን ነው አሉ::

የቪሲዲው አሳታሚ ከቀናት እስር በኋላ ቢለቀቅም ከአዘጋጆቹ አንዱ የሆነውና የ“ሰዎች ምን ይላሉ” ቁጥር 3 ረዳት ዳይሬክተር የሆነው አርቲስት ግርማዬ ታደሰ ከጥቅምት 29 ጀምሮ በእስር ላይ እንዳለ ታውቋል፡፡ አርቲስት ግርማዬ ህዳር 17 2008 ዓ.ም ለሁለተኛ ጊዜ ፍርድ ቤት ቀርቦ የነበረ ሲሆን ፖሊስ “ልማታዊ አርቲስቶችን በማዋረድና በመንግስት ላይ አመጽ በማነሳሳት” ወንጀሎች መጠርጠሩን ገልጾ ተጨማሪ የጊዜ ቀጠሮ ስለጠየቀ አሁንም በተለምዶ 3ኛ ፖሊስ ጣቢያ እየተባለ በሚጠራው አዲስ አበባ ፖሊስ ኮሚሽን ታስሮ ይገኛል፡፡

የ “ሰዎች ምን ይላሉ” ቁጥር 3 ዳይሬክተር አርቲስት አቤል አለማየሁ እንደገለጸው ከዚህ በፊት የተለያዩ ማስፈራሪያና ዛቻዎች ሲደርስባቸው የቆየ ቢሆንም ማናቸውም ታስረው እንደማያውቁ ገልጾ አሁን ቪሲዲው ለህዝብ ከቀረበ ከ1 አመት ከሰባት ወር በኋላ ክስ የመጣብን ስራችን በኢሳት መተላለፉን ተከትሎ ነው ብሏል፡፡ አያይዞም ከስራ ባልደረባው መታሰር በኋላ እሱም በከፍተኛ ክትትልና ወከባ ውስጥ እንደሚገኝ ገልጿል፡፡

LEAVE A REPLY

Please enter your comment!
Please enter your name here