Home Poems የለም አይቀበር!!!

የለም አይቀበር!!! [አቢይ ኢትዮጵያዊ]

የለም አይቀበር!!!
እኔም ብዬ ነበር።
ጦርነት መሮናል አንፈልግም ያለው፤
ባዶ ስድስት ስንቱን ደብቆ የገደለው፤
ይሄውና ሬሳው ባደባባይ እዩት፤
ትግራዮች ያውቃሉ በታሪክ ጠይቁት።
የኢትዮጵያውያንን ደም ይጠጣ እንደ-ነበር፤
መረጃ ስለአለን መለስ አይቀበር።
«ወቸገሉ» መለስ ፍፁም አይቀበር፤
ፍትሕ በኢትዮጵያ መስፈን እስኪ ጀምር።
አይቀበር ሥሙ እሱ ብሎ መለስ፤
ገሃነም በስብሶ ከነ-አፅሙ ይመለስ።
ገና- መች ተነግሮ ኅጢያቱ አለቀና፤
በ”ቅበሩት እርሱት” ይነገራል ዜና።
በራዕይ አባዜ በጥቅማቸው ልሳን፤
እንዲያ ሕዝብ  የከዱ ዛሬም ያልተረሳን፤
እንደ ውሻ ትፋት የላሱትን አይተን፤
ድንጋይ ዳቦ ሲሉ በጆሯችን ሰምተን፤
ከፊት ለፊት ሆኖ ሲያሻው ተደብቆ፤
ሕዝብን የገደለ ያስገደለ አንቆ፤
ደላላው ማን ነበር? ትዕቢት የቆዘረው፤
እንደሞሶሎኒ ዘር-ባይኑ የቆጠረው፤
መለስ-ነው-ለገሠ በባንዳ ልጅነት፤
እንዲያ የቀሰፈው የእኛ ጦቢያዊነት።
ባደባባይ ሕዝቡን ሲሰድብ የኖረው፤
በድኑን ሳንፈረድ እንዴት እንቅበረው?
ይቀበር አትበሉኝ መቼ እሱ ሞተና፤
የውሸት ታሪኩ ደም አልጠራም ገና።
መዘዙ ብዙ ነው ይንጋ ጊዜው ይምጣ፤
ይህ አጋዚ ሳይፈርስ እውነቱም አይወጣ።
እናም!.. የባለራዕይው ታሪክ እስኪነገር፤
በድኑ ለፍርድ ሳይቀርብ ፍፁም አይቀበር።
የውሸት ታሪኩ ባገር እስኪነገር፤
ወቸገል ዜናዊ፤ የለም አይቀበር!!!

LEAVE A REPLY

Please enter your comment!
Please enter your name here