Home News and Views በቅርቡ የተሾሙት የኢትዮጵያ ኢንቨስትመንት ኮሚሽን ኮሚሽነር ዶ/ር በላቸው መኩሪያ ስልጣን ለቀቁ

በቅርቡ የተሾሙት የኢትዮጵያ ኢንቨስትመንት ኮሚሽን ኮሚሽነር ዶ/ር በላቸው መኩሪያ ስልጣን ለቀቁ

የኢትዮጵያ ኢንቨስትመንት ኮሚሽነር ዶ/ር በላቸው መኩሪያ ስልጣናቸውን ለቀዋል፡፡ዶ/ር በላቸው በኮሚሽኑ ምክትል ኮሚሽነር ሆነው ሲያገለግሉ ከቆዩ በኋላ ነበር በቅርቡ የኢንቨስትመንት ኮሚሽን ኮሚሽነር ሆነው የተሾሙት፡፡

ኮምሽነሩ ስልጣናቸውን የለቀቁት ከቤተሰብ ጋር በተያያዘ ምክንያት እንደሆነ ከአዲስ ስታንዳርድ ጋር ባደረጉት ቃለ ምልልስ ገልጸዋል። ኮሚሽነሩ ጨምረውም የኔን ትኩረት የሚያስፈልገው የቤተሰብ ጉዳይ ስለገጠመኝ ለመልቀቅ ተገድጃለሁ ይሁንና ሁሉም ነገር ተስተካክሎ የምመለስበት ግዜም እሩቅ እንደማይሆን ተስፋ አለኝ። በውጭ የሚገኙ ዜጎች ሃገራቸውን ለማገልገል በሚገቡበት በዚህ ወቅት ከሃላፊነት መልቀቄ ያሳዝነኛል። በሃላፊነት በቆየሁባቸው ባለፉት 6 ወራት ቀላል የማይባሉ ስራዎችን ሰርተናል። ብዙ ስራዎችም በዝግጅት ደረጃ ተጀምረዋል ቀጣዩ ተተኪም ጅምሮቹን አስቀጥሎ ለውጤት እንደሚያበቃም ተስፋ አለኝ ብለዋል።

 

ኮሞሽነሩ ለዚህ ሃላፊነት የተሾሙት ዶ/ር አቢይ የካቢኔ ብወዛ ባደረጉበት ባለፈው ሚያዚያ ነበር ።

LEAVE A REPLY

Please enter your comment!
Please enter your name here