Home News and Views ትልቁን ጥሎ፤ ትንሹን አጠልጥሎ መሮጥ ይቁም !!!

ትልቁን ጥሎ፤ ትንሹን አጠልጥሎ መሮጥ ይቁም !!! [አቶ ንጉሱ ጥላሁን የአማራ ክልል ኮምዩኒኬሽን ጽ/ቤት ኃላፊ]

ዛሬ በግፍ የታሰሩ ተለቀው፤ በባዕድ አገርም ሆነ በዱር በገደሉ የነበሩ ወንድሞቻችን እና እህቶቻችን ማንኛውንም ሀሳባቸውን በሰላም ማራመድ የሚያስችላቸው አገራዊ ሁኔታ በመፈጠሩ እነሆ አዲሱን አመትን ተደምረን በአዲስ መንፈስ ከጀመርን ሶስት ቀናት አሳልፈን አራተኛውን በትልቅ የአንድነት፣የሰላም፣ የይቅርባይነት፣ የፍቅር እና የአብሮነት መንፈስ ተያይዘነዋል። በአዲሱ አመት አዲስ ተስፋ ሰንቀን አብረን ለመዝለቅ ቃላችንን አድሰናል።

ትልቁ ነገር ባለፈው ያጠፋነውን ይቅር የምንባባልበት እና የምንረሳበት፤ ያለማነውን ይዘን አብረን ለመዝለቅ እጅ ለእጅ የምንያያዝበት የመከባበር እና የመቻቻል ልባችንን የምንከፍትበት የአንድነት መንፈስ ነው::

ሰንደቅ ዓላማ፣ አርማ፣ ምልክት እና የመሳሰሉት ጥቃቅን ልዩነቶች አሁን ከጀመርነው የአንድነት መንፈስ በታች ናቸው። አንድ ስንሆን ልዩነቶቻችን ይጠባሉ፤ ልቦቻችን ይገናኛሉ። ልቦቻችን ሲገናኙ የየግል ምልክቶቻችንን በግላችን፤ የጋራችን የሆኑትን በጋራ ይዘን እንዘልቃለን። ማንም የማንንም መብት እና ጥቅም ሳይጎዳ፤ ማንም የበላይ ወይም የበታች ሳይሆን በእኩልነት የጋራ ቤታችንን በአዲስ መልክ እንገነባለን።

የዛሬው ተስፋ የታየበት ሁኔታ እንዲፈጠር ሁሉንም ዋጋ ለከፈሉ ወጣቶቻችን ትልቁ ጉዳይ ዋጋ ያስከፈላቸው ነፃነነት፣ እኩልነት እና ፍትሀዊ ተጠቃሚነት እንጂ ምልክት ወይም አርማ ሊሆን አይችልም። ምክንያቱም የየግል ምልክታችንን በግል፤ በጋራ ምልክታችን ወይም ሰንደቅ ዓላማችን ደግሞ በጋራ መክረን እና ዘክረን መወሰን እንችላለን።
===
በትንንሽ ምልክቶች እና መሰል ጉዳዮች ስንነታረክ እና የኔ ያልነው እንዳይነካብን ስንከላከል ጊዜው ያልፋል። የሚያልፈው ጊዜም የማያልፍ ጠባሳ ጥሎብን ሊያልፍ ይችላል።

“ነገረኛ ታሞ አይተኛ ” እንዲሉ አምና እምቦጭን በጋራ ስንነቅል፤ ቦረና ድርቅ የጎዳቸውን ወገኖች ስንደግፍ፤ ቡኖ በደሌ እና ከማሼ ለተፈናቀሉት ወገኖች ስንደርስ እና ስናስታርቅ ያፌዙ ዛሬ ደግሞ የተለመደውን የአጋጨው ዜማ በየፌስቡኩ መንደሩ መሯሯጥ ጀምረዋል።

ታዲያ ለዚህ መድሀኒቱ ትንንሹን ነገር ጥሎ ትልቁን አቅፎ በጥንቃቄ መራመድ ነው እንላለን።

ምንጭ ፌቡ

LEAVE A REPLY

Please enter your comment!
Please enter your name here