Home News and Views የኢሳቱ ኤርሚያስ ለገሰ ከ3ቱም መጽሃፎች ሽያጭ በመቀነስ በትግሉ ውስጥ ዋጋ ለከፈሉ ወገኖች...

የኢሳቱ ኤርሚያስ ለገሰ ከ3ቱም መጽሃፎች ሽያጭ በመቀነስ በትግሉ ውስጥ ዋጋ ለከፈሉ ወገኖች ድጋፍ አድርጓል

ላለፉት በርካታ አመታት የወያኔን መንግስት የጓዳ ሚስጥርና ድብቅ የአገር ማጥፋት ተልዕኮ በማጋለጥ የሚታወቀው የኢሳቱ ባልደረባ ኤርሚያስ ለገሰ ለዛሬው የለውጥ ድባብ ዕውን መሆን ካደረገው አስተዋጾ በተጨማሪ ከወያኔ መንግስት ጋር በነበረው እልህ አስጨራሽ ትግል ዋጋ ለከፈሉ የቁርጥ ቀን ልጆች ከፍተኛ የገንዘብ ድጋፍ አድርጓል፡፤

ኤርሚያስ የወያኔን መንግስት በይፋ ማጋለጥ ከጀመረበት ጊዜ አንስቶ 1ኛ ባለቤት አልባ ከተማ 2ኛ የመለስ ልቃቂትና አሁን በቅርቡ ደግሞ ጥላሁን የሞተ ዕለት የሚሉ ሶስት ድንቅ መጽሃፍት ለንባብ አቅርቧል። በተለይ የመጀመሪያ ሁለቱ መጽሃፍት ወደ ሃገር እንዳይገቡ በወያኔ መንግስት የታጠለባቸውን እገዳ በጣጥሰው በህዝብ እጅ በመግባት ከፍተኛ ተነባቢነት እንዳገኙና ስርዓቱንም ክፉኛ እንዳደናገጡ መዘገቡ ይታወሳል፡፤ በቅርቡ ለንባብ የበቃው “ጥላሁን የሞተ ዕለት” የሚለው መጽሃፍ በሃገር ውስጥ በይፋና በስፋት እየተሰራጨ ይገኛል።

ኤርሚያስ ከሶስቱም መጽሃፎቹ ገቢ የተወሰነውን ፐርሰንት ለትግሉ ዋጋ ለከፈሉ ወገኖች በድጋፍ መልክ ያበረከተ መሆኑን ሰሞኑን በማህበራዊው የመረጃ መለዋወጫ መረብ በኩል ይፋ ሆኗል።

ከሶሻል ሚዲያው የተገኘው መረጃ እንሆ፦

በተግባር አጋርነትን ማሳየት!

የኢሳት ባልደረባው Ermias Legesse Wakjira ከሚያደርገው የሀሳብ ትግል በተጨማሪ ለኢትዮጵያ አገራቸው ዋጋ ለከፈሉ የዘመናችን ጀግኖች ጐን መቆሙን አስመስክሯል።

በመለስ ትሩፋት ባለቤት አልባ ከተማ መፅሀፍ መግቢያው ላይ ” የአንድነት ፓርቲ ም/ሊቀመንበር ለነበርከው አንዱአለም አራጌ ምንም እንኳን ባታውቀኝም የፓለቲካ እስረኛ መሆንህን እረዳለሁና የአንተን ስሜት ለመጋራት ከዚህ መፅሀፍ ከሚገኘው ገቢ ሃያ በመቶው ለሁለት ልጆችህ የተወሰኑ ወራት የትምህርት ቤት ወጪ እንዲሆን ወስኛለሁ” በማለት ከ90ሺህ ብር በላይ ድጋፍ በማድረግ አጋርነቱን አሳይቷል።

የመለስ ልቃቂት በሚለው መፅሀፉ ደግሞ ” ከዚህ መፅሀፍ ሽያጭ ከሚገኘው ውስጥ 20 በመቶ የአንዳርጋቸው ፅጌን መስመር በመከተል ለምነወዳት ኢትዮጵያ ህይወታቸውን ለመስጠት ዱር ቤቴ ላላችሁ የነፃነት ታጋይ አርበኞች ይሁንልኝ” በማለት 120ሺህ ብር የሚጠጋ ገንዘብ ድጋፍ አድርጓል።

ዛሬ ደግሞ ” ጥላሁን ያረፈ ቀን” ከሚለው መፅሀፍ ሽያጭ 50 በመቶ ለነፃነት ታጋዩ ክንፈሚካኤል ደበበ( አበበ ቀስቶ) Abebe Kesto Kinfe Michael ህክምና እንዲሆን ስጦታውን አበርክቷል። በመጀመሪያው ዙር ለአበበ ቀስቶ 120ሺህ ብር ማበርከቱን አረጋግጠናል።

የተግባር ሰው የሆንከው ኤርሚያስ ለገሰ እናመሰግናለን። ሌሎችም የአንተን አርአያ እንደሚከተሉ ተስፋ እናደርጋለን። ድምፃውያኑ ” ሁሉም ቢተባበር!” ያሉት እውነት ይሆናል።
Natnael Mokonnen

ለሚሰራ ተገቢውን ምስጋና እንስጥ! ወገኑን ለሚያከብርም ክብር ይገባዋል!

LEAVE A REPLY

Please enter your comment!
Please enter your name here