Home News and Views የተባበሩት መንግሥታት ድርጅት በመጪው ሳምንት ኤርትራ ላይ ጥሎት የነበረውን ማዕቀብ ሊያነሳ ነው

የተባበሩት መንግሥታት ድርጅት በመጪው ሳምንት ኤርትራ ላይ ጥሎት የነበረውን ማዕቀብ ሊያነሳ ነው

የተመድ በመለስ ዜናዊና በአሜሪካ መንግስት ዲፕሎማቶች ግፊት ላለፉት ዘጠኝ አመታት በኤርትራ ላይ  ተጥሎ የነበረው ማዕቀብ የጦር መሳሪያ ፣ የጉዞ ዕቀባ፣ ሀብትና ንብረት ያለማንቀሳቀስን ያካተተ ነበር።
“ኤርትራ እንደ አልሸባብ አይነት ጂሃዲስቶችን ትደግፋለች ታስታጥቃለች” የሚለው የመለስ ዜናዊ ክስ እስካሁን ድረስ የመንግስታቱ ድርጅትም ሆነ ሌሎች አለም አቀፋዊ ተቋማት ማረጋጋጫ ሊያገኙለት አልቻሉም።

(The council slapped sanctions on Eritrea in 2009 for its alleged support to Al-Shabaab jihadists in Somalia but the draft resolution acknowledged that UN monitors had “not found conclusive evidence that Eritrea supports Al-Shabaab.”)
የኤርትራ መንግስት ከ20 አመታት በኋላ ከኢትዮጵያ ጋር ሰላም መፍጠር መቻሉ፣ ከሶማሊያ ጋር ዲፕሎማሲያዊ ግንኙነት መጀመሩ እንዲሁም ከጅቡቲ ጋር የተጀመረው የሰላምና መልካም ጉርብትና ንግግር መስመር የያዘ በመሆኑ ለዕቀባው መነሳት እንደ መልካም ግብዐቶች ተወስደዋል።

ኤርትራ ላይ የተጣለው ማዕቀብ እንዲፀና ጫና ስተደርግ የነበረችው አሜሪካ በብሔራዊ ፀጥታ አማካሪዋ ጆን ቦልተን በኩል በኤርትራ ጉዳይ ” የአቋም ለውጥ ” ማድረጓን ተከትሎ የመንግስታቱ ድርጅት የፀጥታው ምክር ቤት የፊታችን ኖቬምበር 14 ቀን ውሳኔ ለመስጠት ቀጠሮ የያዘ ሲሆን፤ በዚያውም ዕለት ማዕቀቡን እንደሚያነሳ ይጠበቃል። ጆን ቦልተን በኢትዮ ኤርትራ ጦርነት ወቅት የመንግስታቱ ድርጅት አምባሳደር በመሆን የሁለቱን ሃገራት ጉዳይ በቅርብ ሲከታተሉ የነበሩ ዲፕሎማት ነበሩ።

ለኤርትራ ማዕቀብ መነሳት ጠቅላይ ሚንስትር ዐቢይ አህመድ፣ የሶማሊያው ፕሬዚዳንት ሞሀመድ አብዱላሂ ፋርማጆ፣ የብሪታንያ፣ የፈረንሳይ፣ የጣልያን፣ የሳዑዲ አረቢያና የተባበሩት ዐረብ ኢምሬቶች መንግስታት ከፍተኛ አስተዋፅዖ ከፍተኛ እገዛ አድርጓል።

LEAVE A REPLY

Please enter your comment!
Please enter your name here