Home News and Views በተንኮለኛ የፓርቲዬ ሰዎች ሴራ ክፍያ ቢያቆሙብኝም በጓዶቼ እገዛ ትምህርቴን አጠናቀቅኩ (ዶር አምባቸው...

በተንኮለኛ የፓርቲዬ ሰዎች ሴራ ክፍያ ቢያቆሙብኝም በጓዶቼ እገዛ ትምህርቴን አጠናቀቅኩ (ዶር አምባቸው መኮንን)

አምባቸው መኮንን (PhD) ባስቸጋሪ ሁኔታዎች ውስጥ ፈገግታ ከፊቱ አይለየውም።
ባመነበት ጉዳይ ላይ የሚፀናና ተሟጋች ባህሪም አለው ይባላል።

ለዶክትሬት ማሟያ የሰራው ፅሁፍ ከአለማችን 10 ምርጦች ተርታም ተመድቦለታል።

የተገኘው ከጋይንት አርሶ አደር ቤተሰብ ነው። በትምህርቱ ከፍተኛ ውጤት እያመጣ ነው ያደገው። በተደጋጋሚም በደብል እያለፈ ከክፍል ደረጃ ተሸጋግሯል። ፊዚክስና ሒሳብ ትምህርቶችን ይበልጥ ይወዳቸዋል።

በደቡብ ኮሪያ የማስተርስ ትምህርቱን በ economics ተመርቌል።

ማስተርሱን ጨርሶ 11 ዓመት በተለያዩ የአስተዳደርና ፖለቲካ ኃላፊነቶች ላይ አገልግሎ ወደ እንግሊዝ በማምራት PHD ውን በ University of Kent at Canterbury ተከታትሏል።

በ International Finance & Economic Development ተጨማሪ ማስተርስ አግኝቷል።

“Economic growth, trade and investment in sub-Saharan Africa: nexus and determinants” የዶክትሬት ጥናቱ ርዕስ ነበር።

በእንግሊዝ ዶክትሬቱን ለአንድ አመት እንደተከታተለ ለማቌረጥ ተገዶ ነበር። ምክንያቱ ደግሞ መንግስት ክፍያውን ስላቌረጠበት ነበር።

ምክንያቱ ደግሞ በተንኮለኛ የፓርቲ ሰዎች ሴራ ነበር። እኔ ውሳኔውን በመቃወም ለሁለተኛ አመት ትምህርቴ ወደ እንግሊዝ አቀናሁኝ። ጔደኞቼ የተወሰነ ወጪ በመሸፈን ደግፈውኛል። በዚህ ወቅት መንግስት በውጭ ጉዳይ ሚኒስቴር በኩል እንደገና ቀጥል በጀት አዘጋጅተናል ቢለኝም ፈቃደኛ ሳልሆን ቀረሁኝ። ሴራቸው በኔ መሰል ሰዎች እንዳይደገም ማጋለጥ ቀጠልኩ።

ፕሬዘደንት እንድሆን ታጭቼ ነበር። ነገር ግን ብዙ ሰው ከፕሬዘደንትነት ይልቅ በፖለቲካዊ ሚናው መቀጠል አለበት ማለት ጀመረ። የሰዎች ፍላጎት በተለያየ መንገድ ይደርሰኝ ነበር። ከዛም የእድሜየን ወጣትነትና የሰዎችንም በኔ ላይ ያላቸው እምነትን አጤንኩኝ። በመጨረሻም ፕሬዘደንትነቱን ተውኩት። አሁን በሚኒስትር ደረጃ የጠቅላይ ሚኒስትሩ አማካሪ ሆኘ እየሰራሁኝ ነው።

ህዝባችን ያጣውንና የሚቻለውን ሁሉ ለመስራትና የሚከፈለውን መስዋእትነት ለመክፈልም ከአጋሮቼ ጋር በቁርጠኝነት የምንሰራ ይሆናል።

አምባቸው መኮንን (ዶክተር)፣
ካፒታል ጋዜጣ ጋር

 

LEAVE A REPLY

Please enter your comment!
Please enter your name here