Home News and Views በጥረት ኮርፖሬት ሙስና ወንጀል የተጠረጠሩ ተጨማሪ 5 ግለሰቦች በቁጥጥር ሥር ዋሉ

በጥረት ኮርፖሬት ሙስና ወንጀል የተጠረጠሩ ተጨማሪ 5 ግለሰቦች በቁጥጥር ሥር ዋሉ

ኮሚሽነር ዝግአለ ገበየሁ ዛሬ ለኢዜአ እንዳስታወቁት ተጠርጣሪዎቹ ትናንት አዲስ አበባ ውስጥ በቁጥጥር ሥር የዋሉት የቀድሞው የጥረት ኮርፖሬት ምክትል ዋና ሥራ አስፈፃሚ የነበሩት አቶ ምትኩ በየነን ጨምሮ ከጉዳዩ ጋር ግንኙነት አላቸው ተብለው የተጠረጠሩ ግለሰቦች ናቸው።

አቶ ምትኩ በየዳ ኬሚካል ሰስቴኔብል ኃላፊነቱ የተወሰነ የግል ማህበር ለተባለው አክሲዮን ማህበር ከአክሲዮን ድርሻ በላይ ክፍያ በመፈፀምና ያልተፈቀደ ብድር እንዲከፈል በማድረግ ተጠረጥረው መሆኑንም አስረድተዋል።

ኮርፖሬሽኑ ምንም አይነት የካፒታል ዕድገት ሳያሳይ 220 በመቶ ጨምሮ በፈፀመው የአክሲዮን ግዢ አራት ሚሊዮን 320 ሺህ ብር ያለአግባብ ተጠቅመዋል የተባሉ የላፓልማ አክሲዮን ማህበር መስራች የነበሩ ሦስት ግለሰቦችም በቁጥጥር ሥር ውለዋል።

ተጠርጣሪዎቹ ወይዘሮ ዓይናለም ኃይሉ፣ወይዘሮ ኢየሩሳሌም ብርሃኑና ወይዘሮ ቤተልሄም ብርሃኑ የተባሉ እናትና ልጆች እንደሆኑም ኮሚሽነሩ ገልጸዋል።

ተጠርጣሪዎቹም ዛሬ ወደባህርዳር ይገባሉ ተብሎ እየተጠበቀ ነው ብለዋል።

LEAVE A REPLY

Please enter your comment!
Please enter your name here