Home News and Views በእስራኤል የሚኖሩ ትውልደ ኢትዮጵያውን በቴል አቪቭ ሰላማዊ ሰልፍ አደረጉ፡

በእስራኤል የሚኖሩ ትውልደ ኢትዮጵያውን በቴል አቪቭ ሰላማዊ ሰልፍ አደረጉ፡

በእስራኤል የተለያዩ ከተሞች ትናንት የተቃውሞ ሰልፎች ሲሰሙ ውለዋል፤ የሰልፉ ምክንያት አንድ ትውልደ ኢትዮጵያዊ ከቀናት በፊት በፖሊስ በመገደሉ ነው፡፡

አንድ የአዕምሮ ጤና ችግር ያለበትን ትውልደ-ኢትዮጵያዊ እስራኤላዊ ፖሊስ ተኩሶ መግደሉ ተገቢ አለመሆኑን የጠየቁት ሰልፈኞቹ ‹‹ገዳዩ ፖሊስ ለሕግ ይቅረብ›› ሲሉ ጠይቀዋል፡፡ የፖሊስ እርምጃ በጥቁር አይሁዶች ላይ የተደረገን የዘር መድልኦ ነፀብራቅ አድርገው በመቁጠር ነው ትውልደ ኢትዮጵያውኑ በቴል አቪቭ ሰልፍ የወጡት፡፡

የሟቹ ቢያድጌ አባት ‹‹ይህ ሁሉ ሕዝብ የሚወደውን ልጄን ነው የነጠቁኝ፤ በጣም አዝኛለሁ፡፡ ዛሬ ደግሞ ሁሉም ከጎኔ ሆኖ ስለልጄ ሲጮኽ ስሰማ ደስ ብሎኛል›› ብለዋል፡፡

ሰልፈኞቹ ወደ መጨረሻ ከፖሊስ ጋር መጋጨታቸውም ታውቋል፡፡ በግጭቱ አምስት ሰልፈኞች እና ስድስት ፖሊሶች መጠነኛ ጉዳት አጋጥሟቸው የሕክምና ዕርዳታ ተደርጎላቸዋል፡፡ ከግጭቱ ጋር በተያያዘም ዘጠኝ ሰዎች በቁጥጥር ሥር መዋላቸው ታውቋል፡፡

LEAVE A REPLY

Please enter your comment!
Please enter your name here