Home News and Views የአቶ ዛዲግ አብርሃ እህት ከአላማጣ ከተማ በህወሓት ታፍና ተወሰደች!!!

የአቶ ዛዲግ አብርሃ እህት ከአላማጣ ከተማ በህወሓት ታፍና ተወሰደች!!!

ስዩም ተሾመ፡ 
የወንድማችን ዛዲግ አብርሃ እህት ወ/ሮ አልማዝ አብርሃ ትላንት ለሊት በትህነግ ከታፈኑት ውስጥ አንዷ ነች! የትህነግ ልዩ ሃይል ትላንት ለሊት መምህር ጥጋቡን ሲያፍኑት እንደሌላው የአካባቢው ማህበረሰብ ሁሉ እሷም ወጥታ ጩኸቷን አሰምታለች። ይህ ደግሞ በየትም ሃገር ያለ ነው። ሰው ሲታፈን ሌላው ሰው ይጮሃል። ሌላ ጥፋት የለባትም!! መምህር ጥጋቡን ደግሞ በሃሰት ክስ መስርተውበታል። ብቻ በዛሬው ዕለትም ወንድማችን መምህር ጥጋቡ እና እህታችን አልማዝ አላማጣ ፍርድ ቤት የቀረቡ ሲሆን ለየካቲት 29 መቀጠራቸው ተሰምቷል።

እንግዲህ ትህነግ ማለት ይሄ ነው!!! እናቶችን ጭምር የሚበቀል ሰብአዊነት የሚባል ነገር ያልፈጠረበትናበለሊት ሴቶችን ጭምር የሚያፍን ስለቤተሰብ የማያስብ አሪዎሳዊ ስብስብ ነው!!! እናቶች እንዴት ይታፈናሉ?? በግለሰብ የትግል አቋም ቤተሰብን መበቀል ማለት ምን ማለት ነው?? የአሰራር መርሁ ይህ ከሆነ የራያን ልጆች የገደሉት የትግራይ ልዩ ሃይሎች በመሆናቸው በራያ ወረዳዎች ያሉ ትግሬዎችን እንበቀላቸው ማለት ነው? ይህ እጅግ አስፀያፊ እሳቤ ነው!! ህዝቡን ወደሌላ የበቀል እርምጃ አትገፋፉት!! ህዝብ ከተነሳ ማጠፊያው ያጥርባችኋል!!! ተው በለናል!!! ተው ተመከሩ ብለን ደግመን ደጋግመን ጥሪ አስተላልፈናል። ይህን ድምፅ ባትሰሙ ለእናንተ ይብስ እንደሆን እንጅ ሞትም መታሰርንም መፈናቀልንም የራያ ህዝብ ለምዶታል!!!

እስቲ ሁሉንም የራያ ህዝብ አስራችሁ እና ገድላችሁ ትጨርሱት እንደሆን እናያለን። ሰዎችን በማሰር የህዝብን ጥያቄ ማፈን ይቻል እንደሆነም አብረን እንመለከታለን!!! የመጣነው መንገድ ብዙ ነው ፤ የሚቀረን እጅግ ጥቂት ነው!!! አሁን ግን የታፈኑትን ያለ ቅድመሁኔታ ካልፈታችሁ ለሚደርሰው ችግር ሃላፊነቱን ትወስዳላችሁ። ጨርሰናል!!!

በተገፋን ልክ ወደ ነፃነት እየቀረብን ነው!!!
ታላቅ ክብር ዋጋ እየከፈሉ ስላሉ ጀግኖቻችን!!!
ይህ የማይረሳ የነፃነት ትግል ደማቅ ታሪክ ነው!!!

LEAVE A REPLY

Please enter your comment!
Please enter your name here