Home News and Views የኢትዮጵያ አየር መንገድ በረራ ቁጥር 302-ፍሬድማን ሩቢን እና የህግ ባለሙያው ሼክስፒር የህግ...

የኢትዮጵያ አየር መንገድ በረራ ቁጥር 302-ፍሬድማን ሩቢን እና የህግ ባለሙያው ሼክስፒር የህግ ቢሮ ሲያትል፡ አሜሪካ።

ማርች 13 ቀን፣ 2019 ዓ.ም

ከቦይንግ አውሮፕላን ካምፓኒ በጥቂት ርቀት ላይ የሚገኘው፤ ፍሬድማን ሩቢን የህግ ቢሮ፤ በኢትዮጵያ አየር መንገድ ህይወታቸው ያጡትን ቤተሰቦች የሚታደግ መሆኑን አሳወቀ። ፍሬድማን ሩቢን የህግ ቢሮ – በተለይ በኢትዮጵያ፣ አፍሪቃ የሚገኙ ዜጎች ፍትህ እንዲያገኙ ለማድረግ፤ ከኢትዮጵያዊው የህግ ባለሙያው ሼክስፒር ፈይሳ ጋር ተስማምተዋል።

 የመስሪያ ቤቱ መግለጫ እንዳሳወቀው ከሆነ፤ በኢትዮጵያ አየር መንገድ በረራ ቁጥር 302 በደረሰው አደጋ፤ የተሰማውን ጥልቅ ህዘን ገልጾ፤ ቦይንግ ካምፓኒ አስፈላጊውን ክፍያ እንዲያደርግ፤ ከተጎጂ ቤተሰቦች ጋር አብሮ የሚሰራ መሆኑን ነው – መግለጫው ያብራራው።

ፍሬድማን ሩቢን የህግ መስሪያ ቤት፤ ቦይንግ 737 Max ከሚሰራበት  ሬንተን ከተማ፣ ዋሺንግተን ክፍለ ግዛት – በቅርብ ርቀት ላይ ይገኛል። ከዚህ በፊት በኢንዶኔዥያ ለደረሰው የቦይንግ 737 Max፤ የጉዳት ሰለባዎች የህግ ጠበቃ ሆነን ሰርተናል። እንደ ህግ ቢሮው መግለጫ ከሆነ፤ ለደረሱት አደጋዎች አንደኛው መንስኤው የቦይንግ ስራ ጉድለት ሲሆን፤ “እኛ በአደጋው ጉዳት የደረሰባቸው ወገኖች አስፈላጊው የጉዳት ካሳ እንዲከፈላቸው እናስደርጋለን” ብሏል መግለጫው።

ከዚህ በመቀጠል ፍሬድማን ሩቢን የህግ መስሪያ ቤት፤ የሰጠውን ማብራሪያ ቀጥሎ አቅርበናል።

በርግጥ ምን እንደተፈጠረ እውነቱን መፈለግ ያስፈልጋል?

ሁሉም የአውሮፕላን አደጋዎች ከደረሱ በኋላ፤ ምንግዜም ቢሆን ምርመራ ይደረጋል። በአንዛኛው ግን ይህ ምርመራ የሚካሄደው በአየር መንገዱና በአውሮፕላን ፋብሪካው ተወካዮች፤ ወይም የሁለትዮሽ ስምምነት ነው። ይህን ሁኔታ… አንዳንዶች “የዶሮ ቤትን ለመጠበቅ ቀበሮን ዘበኛ ማድረግ እንደማለት ነው።” ይላሉ። ብዙውን ግዜ አደጋው የደረሰባቸው ቤተሰቦች፤ በምርመራው ሂደት ላይ ተሳታፊ አይሆኑም። የአቪዬሽን ጠበቃ በመቅጠርና ህጋዊ ውል በመፈጸም ማንኛውም ቤተሰብ የምርመራውን ውጤት በቅርብ የማወቅ እድል ያገኛሉ። ህጋዊ ውክልና ካገኘን ደግሞ፤ አስፈላጊ የሆኑ ጥያቄዎችን እናቀርባለን። በጥያቄያችንም መሰረት…አየር መንገዱም ሆነ የቦይንግ ካምፓኒ መልስ የመስጠት ግዴታ ይኖርባቸዋል። ይህ ብቻም አይደለም። የራሳችንን የምርመራ ልዑካን ቡድን አባላት፤ የአውሮፕላኑ አደጋ የደረሰበት ቦታ ድረስ እንልካለን። በፍንዳታው የደረሰውን አደጋ እና የጥገና መዝገቡን እናጠናለን፤ እናም ከፍንዳታው በስተጀርባ ምን እንደተፈጠረ እውነትን እንፈልጋለን።

ይህ በሌላ ቤተሰብ ላይ፤ በጭራሽ ሊደርስ የማይገባው ነው!

በዚህ አመት በቦይንግ 737 ማክስ ላይ ተመሳሳት ሲደርስ፤ ይህ በኢትዮጵያ አየር መንገድ በረራ ቁጥር 302 ላይ የደረሰው አደጋ ሁለተኛው መሆኑ ነው። የመጀመሪያው አደጋ በ Lion Air ላይ ሲደርስ፤ የችግሩ መንስኤ የቦይንግ 737 ማክስ መሆኑን አየር መንገዱ ገና አላወቀም ነበር። የአውሮፕላኑን የበረራ ፍሰት ለመቆጣጠር የሚያግዘው የበረራ ሰነድ (flight manual) ሊኖራቸው እንደሚገባ ለLion አየር መንገድ ስላልተነገራቸው፤ ተመሳሳይ የሆነው አደጋ በኢንዶኔዥያ ደረሰ። ሆኖም በ Lion አየር መንገድ ላይ አደጋው ከደረሰ በኋላ፤ ለሁሉም አየር መንገዶች የበረራ ማኑዋል መስጠት እንዳለበት የፌዴራል አቪዬሽን አስተዳደር ትዕዛዝ ሰጥቶታል። በ Lion አየር መንገድ ላይ አደጋ ከደረሰ በኋላ፤ ይህ አዲስ የበረራ ማኑዋል ለኢትዮጵያ አየር መንገድም ተሰጥቶ ሊሆን ይችል ይሆናል። ይህ ብቻ ግን በቂ አይደለም። ከዚህ አደጋ በኋላ፤ ተመሳሳይ የሆነ አደጋ እንዳይደርስ እና ለውጥ መደረጉን እርግጠኛ መሆን ያስፈልጋል።

ይህ አይነቱ አደጋ እንዳይደገም ወይም በሌላ ቤተሰብ ላይ እንዳይደርስ መሆን አለበት።

ሃላፊነትንም መውሰድ ያስፈልጋል!

ማንኛውም በረራ ምቹ መሆኑ ቀርቶ አደጋ ካጋጠመው አየር መንገዱ፤ ወይም የአውሮፕላኑ ማምረቻ ካምፓኒ በጋራ ወይም በተናጠል ሃላፊነት ሊወስዱ ይገባቸዋል። አንዳንድ ግዜ አየር መንገዶች ወይም የአውሮፕላን አምራቾች የነሱን ጥፋት በሌላ ሰው ላይ ማላከክ ይፈልጋሉ። እውነቱን በማጋለጥ ይህን እናስቆማለን። ይህ አይነቱን ምግባር የምናስቆመው፤ አየር መንገዱ ወይም የአውሮፕላን አምራቹ ለፈጸሙት ጉዳት እና ለጠፋው ህይወት፤ ለቤተሰቦች አስፈላጊውን የካሳ ክፍያ እንዲፈጽሙ በማድረግ ነው። ከዚያ በኋላ በርካሽ እና በአቋራጭ መንገድ ማምለጥ አስቸጋሪ ይሆንባቸዋል። አየር መንገዱ ወይም አውሮፕላን አምራቹ ሃላፊነት የማይወስዱ ከሆነ ግን፤ በህግ ሃላፊነት እንዲወስዱ እናደርጋቸዋለን።

ፍሬድማን ሩቢን የህግ ቢሮ መግለጫውን ሲያጠቃልል፤ “ቤተሰብዎን በዚህ አደጋ አጥተው ከሆነ፤ ልባዊ ሃዘናችንን እንገልጻለን።” በማለት በዚህ አደጋ ህይወታቸው ላለፉት ሰዎች ሙሉ ክብር የሚሰጥ መሆኑን አሳውቋል።

ተያይዞ የደረሰን ዘገባ እንደሚያመለክተው ከሆነ፤ ፍሬድማን ሩቢን የህግ ቢሮ ከኢትዮጵያዊው የህግ ባለሙያ ሼክስፒር ፈይሳ ጋር በመሆን የተጎጂ ቤተሰቦች ፍትህ እንዲያገኙ አብረው ለመስራት ተስማምተዋል፤ ጉዳዩንም በቅርበት በመከታተል ላይ መሆናቸውን ለማወቅ ችለናል። በቅርቡም ወደ ኢትዮጵያ እና ናይሮቢ በማምራት አደጋው ከደረሰባቸው ቤተሰቦች ጋር ተገናኝተው ለመነጋገር ተስፋ ያላቸው መሆኑን- የህግ ሙያተኛ የሆኑት ሼክስፒር ፈይሳ ገልጸውልናል።

2 COMMENTS

  1. Pratt & Whitney is an American aerospace manufacturer with global service operations. It is a subsidiary of United Technologies (UTC). Pratt & Whitney’s aircraft engines are widely used in both civil aviation (especially airlines) and military aviation. Its headquarters are in East Hartford, Connecticut, USA.

    Engine manufacturer Pratt & Whitney warned Boeing in 2011 it may have to rethink its strategy for competing with Airbus in a $US2 trillion segment of the jet market because the engine it has chosen from rival GE was too small with dangerously flaming hiccups from the engine’s compressor.

    In the past Pratt & Whitney made the JT8D series engines used in early models of Boeing 737. Starting few years back Pratt & Whitney was replaced by GE affiliate CFM International that already reached average delivery rates targeted for 2019 on the A320neo engine as supply-chain performance improves, Chief Executive Officer Gael Meheust said in an interview in New Delhi, India .

    The Max’s variant “is a little more difficult” since production began later and CFM, a General Electric Co.-Safran SA joint venture, is the jet’s sole engine supplier, he said.

    http://www.traveller.com.au/engine-for-boeings-new-737-max-too-small-1jwoy

    https://www.economist.com/business/2018/03/22/the-worlds-three-biggest-engine-makers-hit-a-snag

LEAVE A REPLY

Please enter your comment!
Please enter your name here