Home News and Views አሜሪካ በግድቡ ዙሪያ ትዕዛዝ ማስተላለፏን አስመልክቶ የኢትዮጵያ ተደራዳሪ ቡድን አስቸኳይ ስብሰባ ጠራ

አሜሪካ በግድቡ ዙሪያ ትዕዛዝ ማስተላለፏን አስመልክቶ የኢትዮጵያ ተደራዳሪ ቡድን አስቸኳይ ስብሰባ ጠራ

አሜሪካ ኢትዮጵያ፣ሱዳን እና ግብጽ በህዳሴ ግድቡ ዙሪያ ከስምምነት ሳይደርሱ የህዳሴው ግድብ ውሃ መሙላት አይችልም የሚል ትዕዛዝ ማስተላለፉ ይታወሳል።ኢትዮጵያም አሜሪካ ባስተላለፈቸው ውሳኔ ዙሪያ እንደ አገር አቋም ለመያዝ የኢትዮጵያ ታላቁ ህዳሴ ግድብ ብሔራዊ ተደራዳሪ ቡድን በውጭ ጉዳይ ሚኒስቴር አስቸኳይ ስብሰባ መቀመጡን ያስረዳል።

የታላቁ የኢትዮጵያ ህዳሴ ግድብን በውሃ የመሙላትና የሙከራ ሥራ ከመጀመሩ በፊት በአገራቱ መካከል ስምምነት መፈረም እንዳለበት አሜሪካ ባወጣችው መግለጫ አስታወቀች፡፡የአሜሪካ የገንዘብ ሚኒስቴር ባወጣው መግለጫ ላይ እንዳለው ቀደም ሲል የነበረውና ግንባታው በታችኛው የተፋሰሱ አገራት ላይ ጉልህ ጉዳት እንዳይደርስ በሚለው የመርህ ስምምነት መሰረት “ግድቡን በውሃ የመሙላትና ሥራውን የመሞከር ሂደት ስምምነት ሳይደረግ መከናወን የለበትም” ብሏል።

የአሜሪካ የገንዘብ ሚኒስትር ስቴቨን ምኑቺን ባወጡት መግለጫ ላይ እንዳሉት ከዚህ በፊት በነበሩ ስምምነቶች መሰረት ግድቡን በውሃ የመሙላቱ ሥራ ከመጀመሩ በፊት በአገራቱ መካከል ስምምነት መፈረም አለበት።ለዚህም በተፋሰሱ አገራት መካከል የተጀመረው ድርድር በቶሎ መጠናቀቅ እንዳለበት የሚኒስትሩ መግለጫ አመልክቶ፣ ግብጽ ስምምነቱን ለመፈረም ያሳየችውን ዝግጁነት አድንቋል።በኢትዮጵያ በኩል በጉዳዩ ላይ እየተካሄደ ያለውን ብሔራዊ ምክክር መግለጫው እንደሚረዳ በማመልከት ምክክሩ በቶሎ ተጠናቅቆ የድርድር ሂደቱን በማጠናቀቅ በተቻለ ፍጥነት ስምምነቱ እንዲፈረም ፍላጎታቸው መሆኑን የአሜሪካው ባለስልጣን በመስሪያ ቤታቸው በኩል ያወጡት መግለጫ ጠቅሷል።

ግድቡን በውሃ የመሙላት ሥራ ከመጀመሩ በፊት በዓለም አቀፍ ደረጃዎች መሰረት ሁሉም አስፈላጊ የደህንነት እርምጃዎች ተግባራዊ ከመደረጋቸው አንጻር በታችኞቹ ተፋሰስ አገራት ግብጽና ሱዳን ሕዝብ ዘንድ ያለውን ስጋት እንደሚገነዘቡ አመልክቷል።

በመግለጫው ላይ የአሜሪካው የገንዝብ ሚኒስትር ቴቨን ምኑቺን ከግብጽና ከሱዳን የውጭ ጉዳይና የውሃ ሃብት ሚኒስትሮች ጋር የተናጠልና የሁለትዮሽ ውይይት ማድረጋቸውም ተመልክቷል።

ለወራት በኢትዮጵያ፣ በግብጽና በሱዳን መካከል በታላቁ ህዳሴ ግድብ ዙሪያ ሲካሄድ የነበረው ድርድር በቶሎ መቋጫ እንዲያገኝ እንደምትፈልግ አሜሪካ በመግለጫው አጽንኦት አስታውቃች።አሜሪካ ሶስቱ አገራት ስምምነት እስኪፈራረሙ ድረስ ከህዳሴው ግድብ ድርድር ጋር በተያያዘ ተሳትፎዋ እንደሚቀጥልም ያረጋግጣል የገንዘብ ሚኒስቴሩ መግለጫ።አሜሪካ በሶስቱ አገራት የህግና የቴክኒክ ቡድኖች የቀረቡ ሃሳቦችን መሰረት በማድረግ የስምምነት ሰነዱ እንዲዘጋጅ ነገሮችን ስታሳልጥ እንደነበር፣ ዓለም ባንክ ደግሞ በስምምነቱ ሰነድ የቴክኒክ ጉዳዮች ዙሪያ ግብአት ማድረጉንም መግለጫው ያትታል።

ኢትዮጵያ ባልተሳተፈችበት የዋሽንግተኑ መድረክ ሱዳን እና ግብፅ በተናጠል ከአሜሪካና ዓለምባንክ ጋር ባደረጉት ውይይት ስምምነቱን በሚመለከት ሃሳባቸውን አንፀባርቀዋል። አሜሪካ ባለፉት አራት ወራት የተደረጉ ተግባራት በህዳሴው ግድብ ዙሪያ ያሉ ሁሉንም ጉዳዮች የሚዳስስ ስምምነት እንዲደረግ የሚያስችል ውጤት አምጥተዋል ብላ እንደምታምንም በመግለጫው ተገልጿል። በአሜሪካ ዋሽንግተን ዲሲ የታላቁ ህዳሴ ግድብ የውሃ አሞላልና አለቃቀቅ ላይ በሚደረገው ድርድር ላይ ኢትዮጵያ እንደማትካፈል የውሃ፣ መስኖ እና ኢነርጂ ሚኒስቴር አስታውቆ ነበር።

ሚኒስቴሩ የአሜሪካ መንግሥትና የአለም ባንክ በታዛቢነት በሚገኙበት የካቲት 19 እና 20/2012 ዓ.ም ከሱዳን እና ግብጽ ጋር ሊካሂድ በታቀደው ቀጣይ የሦስትዮሽ ድርድር ላይ ኢትዮጵያ እንደማትገኝ ያስታወቀው፣ ተደራዳሪ ቡድኑ በአገር ውስጥ ከባለድርሻ አካላት ጋር የሚያደርገውን ውይይት ባለማጠናቀቁ መሆኑን በመግለጽ ነበር።

ኢትዮጵያ፣ ግብፅና ሱዳን በታላቁ ህዳሴ ግድብ ግንባታ ዙርያ የሚያደርጉትን ድርድር የአሜሪካ መንግሥት ቀደሞ በታዛቢነት አሁን ደግሞ በአደራዳሪነት መግባቱን በመቃወም በአሜሪካ፣ ዋሽንግተን ዲሲ የሚኖሩ ኢትዮጵያውያን ሰላማዊ ሰልፍ ማካሄዳቸው ይታወቃል ሲል ቢቢሲ ዘግቧል።

1 COMMENT

  1. እኔ በእድሜዬ የማልረሳው የአባይ ጉዳይ በቀዳማዊ ኃይለ ሥላሴ ዘመነ መንግስት ተነስቶ አስታውሳለሁ ምናልባት ስምንተኛ ክፍል ነበርኩ፤ግድቡን ለመስራት ከፍተኛ ችግር ተፈጥሮ ነበር።ግድቡን ለማስጀመር ከአለም ባንክ ብድር እና እርዳታ ለመጠየቅ ጀምረው ነበር፤ዕርዳታ እንዳናገኝ ችግር የነበሩት ደግሞ ግብፆች ናቸው።በዚያን ወቅት እንድ የውሃ ባለሙያ ከወደዩነቨርስቲ የአባይን ወንዝ በተፈለገው ፐርሰንት ብቻ እንዲወጣ ማድርግ እንደሚቻል በሰከነ የምርምር ጥናት አቅርቦ፣ኋላም ግለሰቡ ድምፁ እንደ ጠፋ እና ስለ ግድቡ መወራት እንደቀረ የማልረሳው ጉዳይ ነበር።በደርግ ዘመን ደግሞ ከግብፅ እና ከሱዳኖች ይበልጥ ለኢትዮጵያ ሙጃሌ የሆኑባት፣ሻቢያ እና ፋሺሽት-ወያኔዎች ለሠላሳ ዓመታት ፀጥታ እንዳይኖር አድርገዋል።ከሁሉም የሚብሰው ደግሞ የወቸገሉ ሆን ብሎ ያለ ምንም ምንጭ ሕዝቡን በግድ በማስጨነቅ ከሚያስፍልገው በላይ መዋጮ አስብስቦ እንዳለ በሚቴክ ስም አዘረፍቶታል፤የሚያሳዝነው ደግሞ ለፖለቲካ ፍጆታ ብሎ ወቅቱን ተጠቅሞ ባለሙያዎችን አልሰማ ብሎ ህዝቡን በመከፋፈል በጉልበት ከፍተኛ የትዕቢት ወንጀል በኢትዮጵያ ላይ ፈፅሟል። ይህንን ለማረጋገጥ እስከ ነብስ ግድያ ድረስ ተፈፅሟል፤ወደፊት ታሪኩን ሕዝብ ያጋልጠዋል ።

LEAVE A REPLY

Please enter your comment!
Please enter your name here