Home News and Views ግብፅ የህዳሴ ግድብ ድርድርን በማቋረጥ በድጋሚ ወደ መንግስታቱ ድርጅት የፀጥታ ምክር ቤት...

ግብፅ የህዳሴ ግድብ ድርድርን በማቋረጥ በድጋሚ ወደ መንግስታቱ ድርጅት የፀጥታ ምክር ቤት መውሰዷን አስታወቀች።

ያለ ሶስቱ ሃገራት ስምምነት ኢትዮጵያ በተናጥላዊ ውሳኔ ግድቡን ውሃ መሙላት ሳትጀምር የፀጥታው ምክር ቤት ጣልቃ እንዲገባ በውጭ ጉዳይ ሚንስትሯ ሳሜህ ሽኩሪ በኩል መጠየቋን የአገሪቱ መገናኛ ብዙኃን ዘግበዋል።
ግብፅ ወደ ፀጥታው ምክር ቤት ጉዳዩን ለመውሰዷ ምክንያት ያደረገችው እየተካሄደ የሚገኘው የውሀ ሚንስትሮች የሶስትዮሽ ውይይት አዎንታዊ ውጤት ስለማያመጣ መሆኑን ሚንስትሩ ገልጸዋል።
በዚህም ምክንያት ኢትዮጵያ በተናጥል ውሀ መያዝ እንዳትች የፀጥታው ምክር ቤት እንዲያስቆምላት መጠየቋ ተገልጿል።
ግብጽ ከአንድ ወር በፊት ለጸጥታው ምክር ቤት ተመሳሳይ ደብዳቤ ለጽጥታው ምክር ቤት ማስገባቷ ይታወሳል።
ኢትዮጵያም ለግብጽ መልስ በላከችው ደብዳቤ ለጸጥታው ምክር ቤት በራሴ ተፈጥሯዊ ወንዝ የማንንም ፈቃድ አልጠይቅም ውሀውን መጠቀሜንም እቀጥላለሁ ማለቷም አይዘነጋም።
በዚህም ምክንያት ዓለም አቀፉ ማህበረሰብ ግብጽ ጉዳዩን በሶስትዮሽ ድርድር እንድትፈታ ጫና ማሳደሩን ተከትሎ ወደ ድርድሩ ተመልሳ ነበር።
ይሁንና የተጀመረው የሶስቱ አገራት የውሀ ሚንስትሮች ውይይት ሳይጠናቀቅ ግብጽ በድጋሚ ድርድሩን ማቋረጧን አስታውቃለች። –
ETHIO FM 107.8

LEAVE A REPLY

Please enter your comment!
Please enter your name here