Sadik Ahmed’a Exclusive Interview With Habtamu Ayalew | BBN

1 COMMENT

  1. ++++++++ ስቅለት እና ትንሳዔ OOOOOOOO

    ይህ ስቅለት እና ትንሳዔ የሐብታሙ አያሌው ነው።አንድ ተራ ኢትዮጵያዊ ፤ኢትዮጵያ ውስጥ የተወለደ የተስፋ ኢትዮጵያዊ ነው።”ሰዎች ተበደሉ፤በሰላም ችግሮቻችን እንፍታ፤በቀሎቻችንን እንቅበርና በሠላምና በፍቅር ዕውነተኛ ዲሞክራሲያዊት ኢትዮጵያን እንገንባ”ብሎ በግልጽነት ቢታገልም የተሰጠው ምላሽ የግድያ ወጥመዶች ናቸው።

    ጉጅሌ ባንዳዎች፦አሳሳደዱት፤ከሃዲ ባንዳ የሥጋ ትሎች አሰሩት፣በሃሰት አስመሰከሩበት፤ገረፉት፣ ደበደቡት፣በመጨረሻም ሰቀሉት፤ ኋላም አወረዱት እና ደግሞ ጠፈሩትና ዘቅዝቀው ደሙ እንዲያሳብጠው ቁልቁል አሰነበቱት። የማይነገረውንም አደረጉት፤እናም አልሞተም “ሙት በቃ” ግን ስለተወሰነበት ከሞቱት በላይ ካሉት በታች መሆኑ ተረጋገጠ።

    ቀናት ቆጠሩበትና ሞቱን አስጀምረው በሄደበት ሞቶ ሬሳውን እናየዋለን ብለው ለቀቁት።እግዚአብሔር አትሙች ያላትን ነብስ ማንም ሰው አይገድላትም፤እናም የተባለው ይፈጸም ዘንድ እነሆ ሐብታሙ አያሌው አልሞተም። ገድለነዋል ብለው የመጨረሻውን እስትንፋሱን ሲጠብቁ እነሆ የኢትዮጵያ አምላክ ዕድሜ ሰጠውና ኃላፊነት አሸከመው።

    በምሥክርነት መረጃዎችን ይዞ የትግል ጎዳናውን ጀምሯል፤በእጥፍ የሚ-ወ-ጋው መርዘኛ መርፌ አሥራ ስድስት እጥፍነቱ የሞተን ሰው ሥጋ እንደማደንዘዝም ነው ይባላል፤ለወንድማችን ሐብታሙ አያሌው ግን የሕመሙን ስቃይ ለማረሳሳት ነው። እናም ያንን የሞት ሸለቆ አቋረጠ፤ተሻገረናም የመጀመሪያውን ጉዞ ጀመረ።

    ወጣቱ ተነስቷል፤የኢትዮጵያ ሕዝብ ሆይ ደስ ይበለን።ሌላው ጀግናችን ይህ ነው ሐብታሙ አያሌው።እንዳንዘነጋ፤በተለይም ያለፉትን ጀግኖች፣አይሮፕላን በግሉ አብርሮ ወደ ነጻነት አገር የነጎደውን፣በዓለም የማራቶን ውድድር እጅን በማጣመር ባርነታችንን ያጋለጠው፣የጉጅሌ ሆድ ውስጥ ገብቶ ልቡንና አእምሮውን የዘከዘከልንና የሚዘከዝክልንን ጀግናዎች ፍጹም መዘንጋት የለብንም፤ድርብ ሞትን ተሸክሞ ለኢትዮጵያ የሚሟገትላት:- በምሥራቅ በኩል የመጣችውን ኢትዮጵያዊት ጠበቃ ጨምሮ።

    በአንጻሩም ኢትዮጵያዊ እኛነታችንን እና ነፃነታችንን ለገንዘብና ለሐብት ብለው ለጉጅሌ አሳልፈው የሸጡንን፤ይሁዳዎች በፍጹም ልንዘነጋቸው አይገባንም።የአርበኛችን የአንዳርጋቸው ፅጌ ሽያጭና ግዢ ደግሞ ፍጹም ጸላኢ እና የተለየ ሲሆን፤ዘመናዊና ዓይን ያወጣ በመሆኑ በመብረቅነት የወረደ በሙሴ የዐይን ለዓይን ሕግ ብቻ የሚፈታ ክህደት ነው።

    ልብ እንበል።

    እግዚአብሔር በአንድ መንገድ በሌላም ይናገራል፤ ሰው ግን አያስተውለውም።

    መጽሐፈ ኢዮብ ፴፫፥፲፬

LEAVE A REPLY

Please enter your comment!
Please enter your name here